जनपक्षीय पत्रकार बसन्त पोख्रेलको निधन

अनखबर
रुपन्देहीका अग्रज पत्रकार बसन्त पोखरेलको निधन भएको छ । लामो समयदेखि रुपन्देहीमा रहेर पत्रकारिता गर्दै आएका पोखरेलको सोमबार राति बुटवलस्थित आफ्नै निवासमा निधन भएको हो । मोफसलको चर्चित पत्रिका बुटवल टूडेमा स्थापना कालदेखि सम्पादकको भूमिका निर्वाह गर्दै हाल सम्पादक सल्लाहकार रहेका पोखरेलको ६८ वर्षको उमेरमा निधन भएको पारिवारिक स्रोतले जनाएको छ । पोखरेलका श्रीमती, दुई छोरा एक छोरी छन् ।
बैचारिक रुपमा माओवादी आन्दोलनसँग निकट रहेका पत्रकार पोख्रेल पछिल्लो समय मोहन बैद्य किरण नेतृत्वको नेकपा (क्रान्तिकारी) निकट मानिन्थे । जनपक्षीय धार, बैचारिक पक्षपोषण र मिसन पत्रकारितामा समेत दख्खल राख्ने पत्रकार पोख्रेले जीवनका अन्तिम समयसम्म पनि इमानपूर्वक लेखनलाई निरन्तरा दिनुभएको थियो । स्व स् पत्रकार पोखरेलको आज मंगलबार बुटवलस्थित मैनाबगर घाटमा दाहसंस्कार गरिने पारिवारिक स्रोतले जानकारि दिएको छ । स्वं पत्रकार बसन्त पोख्रेलप्रती अनखबर परिवारको तर्फबाट पनि हार्दिक श्रद्धान्जली ।