बुटवल
बुटवलमा प्रहरीले एक होटलबाट पेस्तोलसहित एकजना व्यक्तिलाई पक्राउ गरेको छ ।
बुटवल ईंटाभट्टीस्थित होटल नमोबुद्धमा बसेका बुटवल सुख्खानगरका सन्तोष सलामी मगरलाई रिभल्वर पेस्तोल र तीन थान गोली सहित पक्राउ गरेको प्रहरीले जनाएको छ ।
बाग्लुङ दगातुन्डाँडा स्थायी घर भइ बुटवल बस्दै आएका सलामी होटलको दोस्रो तलामा रहेको १०४ नं.कोठामा बसेको गोप्य सूचनाका आधारमा जाँच गर्दा उनी पेस्तोल सहित पक्राउ परेका जिल्ला प्रहरी कार्यालयका सूचना अधिकारी डीएसपी श्याम अर्यालले जानकारी दिए ।
सन्तोष सलामीलाई अदालतबाट म्याद थप गरेर अनुसन्धान भइरहेको उनले बताए ।
