अनखबर
विमानस्थलको एक पसलमा आगलागी भएको छ । अन्तर्राष्ट्रिय टर्मिनलको प्रस्थानतर्फको प्रतीक्षा कक्षको कफी सपमा आगलागी भएको हो ।
काठमाडौं प्रहरी परिसर, टेकुका डीएसपी होविन्द्र बोगटीले आगलागी भएको पुष्टि गरे ।
‘अहिले नगर प्रहरीको दमकल पुगेर नियन्त्रणमा लिने प्रयास गरिरहेको छ’, उनले अनलाइनखबरसँग भने ।
प्रारम्भिक अनुसन्धानमा विद्युत् सर्ट भएर आगलागी भएको हुनसक्ने देखिएको बताइएको छ ।
आगलागीपछि अहिले विमानस्थलको उडान अवतरण अबरुद्ध भएको छ ।
त्रिभुवन अन्तर्राष्ट्रिय विमानस्थलको कफी सपमा आगलागी भएको छ । सोमबार राति विमानस्थलको कफी सपमा भएको आगलागी नियन्त्रणमा लिइएको प्रहरीले जनाएको छ ।
आगलागी करीब दश मिनेट भएको थियो । विजुली तार सर्ट भएर आगलागी भएको बताइएको छ । विमानस्थल सुरक्षा प्रमुख एसएसपी रामकृपाल साहले आगगलागी नियन्त्रणमा आएएपनि होल्ड भएको उडान सुचारू हुन केही समय लाग्ने बताए।
उनका अनुसार, अन्तर्राष्ट्रिय विमानहरूको नियमित उडानका लागि प्रयास भरहेको बताए।
विमानस्थल सुरक्षामै चुनौती हुनेगरि आगलागी भएपछि केही समय भागदौड भएको थियो। आगलागीसँगै, स्थिती समेत नियन्त्रणमा आएको छ ।
