नेकपाले राखेको सहिदका तस्वीरको बोर्ड प्रहरीले हटायो

अनखबर
स्याङजा २२ फागुण । स्याङजामा नेकपाले राखेको जनयुद्धका शहीदहरुको तस्वीर सहितको बोर्ड प्रहरीले हटाएको छ ।
शहीद सप्ताहको अवसर पारेर हिजो भालु पहाडमा राखिएको यो बोर्ड प्रहरीले हटाएको नेकपा स्याङजाका ईन्चार्ज जंग बहादुर भण्डारीले जानकारी दिए ।हिजो राखेको बोर्ड तीन घण्टा पछि नै प्रहरीले लडाएर प्रहरीले लगेको उनले बताए ।
जनयुद्धका शहीदको अपमान हुने गरी बोर्ड हटाएको र कम्युनिष्ट सरकारको नाममा रहेका हिजो जनयुद्ध लडेर आएकै मान्छेहरुको आदेशमा प्रहरीले बोर्ड हटाएको भन्दै भण्डारीले आपत्ति जनाए ।