दुई दिनको अन्तरमै अस्ताए बलिउडका २ महान अभिनेता

बैशाख १८
बिहिवार विहानै बलिउडका एक महान अभिनेता ऋषि कपुरको निधन भएको छ।
अभिनेता अमिताभ बच्चनले ट्वीटरमार्फत उनको निधन भएको जानकारी दिएका छन्।
हिजो मात्रै उनलाई स्वास फेर्न अप्ठ्यारो भएपछि ६७ वर्षे ऋषिलाई बुधबार मुम्बईको रिलायन्स फाउण्डेस अस्पतालमा भर्ना गरिएको थियो। गत बुधवार मात्रै बलिउड अभिनेता इरफान खानको निधन भएको थियो ।
५४ वर्षीय खानको बुधबार बिहान मुम्बईको कोकिला वेन धिरूभाइ अम्बानी अस्पतालमा निधन भएको हो। उनी दुई वर्षदेखि क्यान्सरको उपचार गरिरहेका थिए। खानलाई न्युरोएन्डोक्राइन ट्युमर भएको थियो।
उनको निधनको समाचार निर्देशक सुजित सरकारले ट्वीटबाट दिएका हुन्।
जयपुर राजस्थानमा सन् १९६६ मा जन्मिएका खान थिएटरबाट सिनेमाबाट आएका थिए। उनको अन्तिम सिनेमा सात महिनाअघि रिलिज भएको अंग्रेजी मिडियम हो।
दुई दिनको अन्तरमै अस्ताएका दुई महान अभिनेताले भारतिय फिल्म ईन्डस्टिलाई भने ठूलो गुन लगाएका छन ।