काठमाडौं-११
पछिल्लो २४ घण्टामा नेपालमा कोरोना भाइरसका २ हजार भन्दा बढी संक्रमित थपिएका छन् ।
१३ हजार १११ नमुना परीक्षण गर्दा २ हजार ६५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यसमध्ये पीसीआर विधिबाट गरिएको परीक्षणबाट १ हजार ५७७ जनामा संक्रमण देखिएको छ । यस्तै, एन्टिजेन परीक्षणबाट ४८८ जनामा संक्रमण पुष्टि भएको मन्त्रालयले जनाएको छ ।
२४ घण्टामा २ हजार ३३७ जना संक्रमित निको भएका छन् । संक्रमित भन्दा संक्रमणमुक्त हुनेको संख्या २७२ बढी रहेको छ । यसै अवधिमा २५ जना कोरोना संक्रमितको मृत्यु भएको छ ।
नेपालमा आज ३७ हजार ५९९ जना सक्रिय संक्रमित रहेका छन् । यसमध्ये भेन्टिलेटरमा १७१ जना रहेका छन् । यस्तै आईसीयूमा ६२२ जनाको उपचार भैरहेको छ ।
