तिनाउ खोलामा भेटिएको शवको पहिचान खुल्यो !

अनखबर
बुटवल देविनगर स्थित तिनाउ नदीमा फेला परेको शवको पहिचान खुलेको छ । शव बुटवल ४ आर्दशनगरका ८ बर्षिय सुजन सारुको भएको ईलाका प्रहरी कार्यालयका निरीक्षक पंकज चुदालीले जानकारी दिए । हिजो साझ ४ बजेदेखी परिवारको सम्पर्कमा नरहेका सुजनले पौडी खेल्न खोलामा जान्छु भन्दा परिवारले नजान भन्दै रोकेको र परिवारलाई छलेर पौडी खेल्न गएका थिए । हिजै साझसम्म परिवारको सम्पर्कमा नआएपछि परिवारले बालक हराएको भन्दै ईलाका प्रहरीमा जानकारी गराएका थिए ।शुक्रबार विहानै बुटवल ११ बुद्धनगरको पुलभन्दा मुनि तिनाउँ नदीमा ढुंगामा अड्किरहेको अवस्थामा सुजनको लास फेला परेको थियो । ‘लास फेला परेपछि उनकी आमाले सुजन नै भएको पुष्टि गरिन’ प्रहरी निरीक्षक चुँदालीले भने ।