एउटै मोटरसाईकलमा सवार ५ जना दुर्घटना हुँदा ४ जनाको निधन

अनखबर
एउटै मोटरसाईकलमा ५ जनामा सवार मोटरसाइकल दुर्घटना हुदा चारजना किशोरको मृत्यु भएको छ। धनुषाको सवैला नगरपालिका– १२ स्थित बरकुर्वामा भएको उक्त दुर्घटनामा थप एकजना गम्भीर घाइते भएका छन्।
धनुषा प्रहरीका अनुसार मृत्यु हुनेहरु सबैला नगरपालिका वडा नम्बर २ की १२ बर्षिय लक्ष्मी यादव, मोटरसाइकल चालक १५ बर्षिय राहुल यादव, १४ बर्षिय सुमित यादव र १२ बर्षिय बौका यादव हुन।
धनुषाका प्रहरी प्रवक्ता प्रहरी नायव उपरिक्षक जितेन्द्र बस्नेतका अनुसार दुर्घटनामा घाइते सोहि वडाकै १९ बर्षिय सुरेन्द्र यादवको प्रादेशिक अस्पताल जनकपुरमा उपचार भइरहेको छ। परि गम्भीर घाइते अवस्थामा भेटिएका उनिहरुलाई उद्धार गरी अस्पतालमा ल्याईएको भएपनि ४ जनालाई चिकित्सकले मृत घोषणा गरेका थिए।
क्षमता भन्दा बढी सवार भएको उक्त मोटरसाईकलको सिकारु युवकले तिब्र गतिमा चलाएका कारण अनियन्त्रित भई दुर्घटना भएको प्रहरीको अनुमान छ । धनुषाका प्रहरी उपरीक्षक बसन्त रजौरेले घटनास्थल पुगी अनुसन्धान सुरु गरेको बताए ।