अनखबर
वाम तथा समाजवादी धारका दलहरुले सोमबार भोली संयुक्त मोर्चा घोषणा गर्नेभएका छन् । प्रधानमन्त्री निवास बालुवाटारमा आज आइतबार बसेको शीर्षनेताहरुको बैठकले समाजवादी मोर्चा सोमबार गठन गर्ने सहमति गरेको हो । कार्यदलस्तरमा समाजवादी मोर्चाको घोषणापत्र तयार भईसकेको छ ।औपचारिक रूपमा सोमबार राजधानीको राष्ट्रिय सभागृहमा औपचारिककार्यक्रम गरेर मोर्चा घोषणा गर्न लागिएको हो । समाजवादी मोर्चाका लागियसअघि तीन दलका तर्फबाट नेताहरू कृष्णबहादुर महरा, राजेन्द्र श्रेष्ठ र प्रमेशहमाललगायत दस्ताबेज तयारीमा जुटेका थिए । समाजवादी मोर्चामा सत्तासाझेदार दलबाट नेकपा माओवादी केन्द्र, जनता समाजवादी, नेकपा एकीकृत समाजवादी रहने भएका छन । विप्लव नेतृत्वको नेकपा पनि मोर्चामा सहभागी हुने छ । बाबुराम भट्टराई नेतृत्वकोनेपाल समाजवादी पार्टी र वामदेव गौतम नेतृत्वको एकता अभियानसँग पनिछलफल चलिरहेको तर टुंगो नलागेको नेताहरुको भनाई छ ।
