अनखबर
जोसे क्यानालेको निर्णायक पेनाल्टी गोलसँगै पाराग्वेले विश्वकप इतिहासकै सबैभन्दा ठूलो र अनपेक्षित नतिजा निकाल्दा मैदानमा खुसीको सीमा रहेन। पाराग्वेका खेलाडी र समर्थकहरू हर्षका आँसु बगाउँदै जितको खुसी मनाइरहेका थिए।
चार पटकको विश्व विजेता जर्मनी र पाराग्वेबीचको अन्तिम ३२ को खेल निर्धारित र थप गरिएको समयसम्म १(१ को बराबरीमा सकिएको थियो। त्यसपछिको पेनाल्टी सुटआउटमा पाराग्वेले ४(३ को रोमाञ्चक जित हात पार्यो। जितपछि पाराग्वेका खेलाडीहरू मैदानमा दौडिँदै गोल गर्ने क्यानालेसँग अङ्गालो मार्न पुगे। यो क्षण पाराग्वेको फुटबल इतिहासकै सबैभन्दा ठूलो उपलब्धि थियो।
रंगशालामा उपस्थित पाराग्वेका हरेक पुस्ताका समर्थकहरू भावुक हुँदै ुभामोसु भन्दै नारा लगाइरहेका थिए। करिब दुई घण्टाको तनावपूर्ण खेलपछि पाराग्वेले असम्भव मानिएको काम सम्भव बनाएको थियो।
छनोट खेलहरूमा निकै कमजोर देखिएको पाराग्वे ९प्रति खेल औसत ०।७८ गोल मात्र गरेको० ले सन् २०१४ पछि पहिलो पटक विश्वकपको नकआउट चरण खेलिरहेको जर्मनीलाई प्रतियोगिताबाटै बाहिर पठाइदियो। जर्मनीका लागि यो हार ऐतिहासिक रूपमा पीडादायी बन्यो। विश्वकपको इतिहासमा जर्मनी पेनाल्टी सुटआउटमा पराजित भएको यो पहिलो पटक हो।
यस ऐतिहासिक जितको खुसीयालीमा पाराग्वेका राष्ट्रपतिले भोलिपल्ट सार्वजनिक बिदाको घोषणा गरेका छन्। उनले भने, ‘अब सबैले पाराग्वे को हो भनेर चिन्नेछन्।’
बोस्टन रंगशाला बाहिर बीबीसी स्पोर्टसँग कुरा गर्दै एक १६ वर्षीया पाराग्वेली समर्थकले भनिन्, ‘हाम्रो देशका लागि यो जितको अर्थ निकै ठूलो छ। धेरैले हामीलाई कमजोर ठानेका थिए, तर हामीले उनीहरूलाई गलत साबित गरिदियौँ। म जन्मेको वर्ष ९सन् २०१०० पछि हाम्रो टोली पहिलो पटक विश्वकपमा आएको हो। म आज जति खुसी कहिल्यै भएकी थिइनँ।’
खेलमा जर्मनीको दबदबा थियो। जर्मनीले ७५ प्रतिशत समय बल आफ्नो नियन्त्रणमा राखेको थियो र पाराग्वेको ७ प्रहारको विरुद्ध २१ पटक प्रहार गरेको थियो। तर, पाराग्वेका ६३ वर्षीय अर्जेन्टिनी प्रशिक्षक गुस्ताभो अल्फारोको रणनीतिले जर्मनीलाई गोल गर्नबाट रोक्यो। अल्फारो आएपछि पाराग्वेको टोलीमा निकै सुधार देखिएको छ।
पेनाल्टी सुटआउटमा जर्मनीका काइ हाभर्ट्ज र निक वोल्टेमाडेले गोल गर्न सकेनन्। पाराग्वेले पनि दुईवटा अवसर चुकाएको थियो, तर अन्त्यमा जोसे क्यानालेको प्रहार गोलमा परिणत भएपछि पाराग्वेले जित सुरक्षित गर्यो।
